പ്രസാദം സമാപനസമ്മേളനം

 കുട്ടികളില്‍ കാണുന്ന രക്തക്കുറവ് പരിഹരിക്കാന്‍ ഭാരതീയ ചികിത്സാ വകുപ്പും കാസര്‍ഗോഡ് ജില്ലാ പഞ്ചായത്തും ചേര്‍ന്ന തയ്യാറാക്കിയ പ്രസാദം പദ്ധതിയുടെ   സമാപനസമ്മേളനം ബളാല്‍ ഗവ.ഹയര്‍ സെക്കണ്ടറി സ്കൂളില്‍ പ്രസാദം പദ്ധതിയുടെ ജനറല്‍ കണ്‍വീനര്‍ ശ്രീ ഡോ.മധുസൂദനന്‍ നമ്പൂതിരി ഉദ്ഘാടനം ചെയ്തു.. ഹെഡ്‌മിസ്ട്രസ് ശ്രീമതി ബി ലീല സ്വാഗതം ആശംസിച്ചു.പി ടി എ പ്രസിഡണ്ട് ശ്രീ വേണുഗോപാലന്‍ നായര്‍ അധ്യക്ഷത വഹിച്ചു.മെഡിക്കല്‍ ഓഫീസര്‍ ഡോ.ഉഷ നന്ദി പ്രകാശിപ്പിച്ചു.പിടി എ വൈസ് പ്രസിഡണ്ട് ശ്രീ ചന്ദ്രന്‍, സ്റ്റാഫ് സെക്രട്ടറി സോജിന്‍ മാസ്റ്റര്‍ എന്നിവര്‍ സംസാരിച്ചു.

പ്രസാദം

പ്രസാദം പരിപാടിയുടെ ഭാഗമായി രക്ത പരിശോധന ആരംഭിച്ചു.

പ്രസാദം പദ്ധതിക്ക് തുടക്കമായി

6വയസ്സു മുതല്‍ 15 വയസ്സു വരെ പ്രായമുള്ള കുട്ടികളില്‍ കാണുന്ന രക്തക്കുറവ് പരിഹരിക്കാന്‍ ഭാരതീയ ചികിത്സാ വകുപ്പും സംസ്ഥാനസര്‍ക്കാറും ചേര്‍ന്ന തയ്യാറാക്കിയ പ്രസാദം പദ്ധതിക്ക് ബളാല്‍ ഗവ.ഹയര്‍ സെക്കണ്ടറി സ്കൂളില്‍ തുടക്കമായി. കാസര്‍ഗോഡ് ജില്ലയിലെ GHSS ചീമേനി,GHSS അംഗടിമുഗര്‍,GHSS ബളാല്‍ എന്നീ മൂന്നു സ്കൂളുകളിലായി 500 കുട്ടികള്‍ക്കാണ് ചികിത്സ ലഭിക്കുക.ആറു മാസക്കാലമാണ് പദ്ധതിയുടെ കാലയളവ്.കുട്ടികളുടെ രക്തപരിശോധനയ്ക്കു ശേഷമാണ് ആവശ്യമുള്ളവരെ കണ്ടെത്തി മരുന്നു നല്‍കുക. 

           ബളാല്‍ ഗവ.ഹയര്‍ സെക്കണ്ടറി സ്കൂളില്‍ വെച്ച് നടന്ന ചടങ്ങില്‍ വെച്ച് കാസര്‍ഗോഡ് ജില്ലാപഞ്ചായത്ത് അംഗം ശ്രീ. ഹരീഷ്.പി.നായര്‍ പദ്ധതി ഉദ്ഘാടനം ചെയ്തു.ബളാല്‍ ഗ്രാമപഞ്ചായത്ത വൈസ് പ്രസിഡണ്ട് ശ്രീമതി ലൈസാമ്മ ജോര്‍ജ്ജ് അധ്യക്ഷത വഹിച്ചു. പിടി.എ.പ്രസിഡണ്ട് ശ്രീ. വേണുഗോപാലന്‍ നായര്‍,സ്റ്റാഫ് സെക്രട്ടറി ശ്രീ.സോജിന്‍ ജോര്‍ജ്ജ് എന്നിവര്‍ ആശംസകള്‍ നേര്‍ന്നു.യോഗത്തില്‍ സ്കൂള്‍ ഹെഡ്‌മിസ്ട്രസ് ശ്രീമതി. ലീല.ബി. സ്വാഗതവും മാലോത്ത് ഗവ.ആയുര്‍വേദ ഡിസ്പെന്‍സറിയിലെ മെഡിക്കല്‍ ഓഫീസര്‍ ഡോ.ഉഷ.സി നന്ദിയും പറഞ്ഞു.
         ചടങ്ങിനു ശേഷം രക്തക്കുറവു മൂലമുണ്ടാകുന്ന രോഗങ്ങളെക്കുറിച്ച് ഡോ.ഉഷ വിദ്യാര്‍ത്ഥികള്‍ക്ക് ബോധവല്‍ക്കരണ ക്ലാസ്സ് നല്‍കി.

Prasadam News

പ്രസാദം

പ്രസാദം പദ്ധതി

ഭാരതീയ ചികിത്സാ വകുപ്പിന്റെയും സംസ്ഥാനസര്‍ക്കാറിന്റെയും 2014-15 വര്‍ഷത്തെ പദ്ധതിയില്‍ ഉള്‍പ്പെടുത്തി നടത്തുന്ന പ്രസാദം പദ്ധതി കാസര്‍ഗോഡ് ജില്ലാപഞ്ചായത്തിന്റെ സഹകരണത്തോടെ ബളാല്‍ ഗവ.ഹയര്‍ സെക്കണ്ടറി സ്കൂളില്‍ വെച്ച് നടത്തുന്നതിന്റെ ഭാഗമായി മാനേജ്മെന്റ് കമ്മറ്റി രൂപീകരണയോഗം 24.6.2014 ന് ബളാല്‍ ഗവ.ഹയര്‍ സെക്കണ്ടറി സ്കൂളില്‍ വെച്ച് ചേരുകയുണ്ടായി.

കാസര്‍ഗോഡ് ജില്ലയിലെ ചീമേനി,അംഗടിമുഗര്‍,ബളാല്‍ എന്നീ സ്കൂളുകളിലെ 500 ഓളം രക്തക്കുറവുള്ള കുട്ടികള്‍ക്ക് ഇതിന്റെ പ്രയോജനം ലഭിക്കും.കാസര്‍ഗോഡ് ജില്ലാപഞ്ചായത്ത് അംഗം ശ്രീ. ഹരീഷ്.പി.നായര്‍ യോഗം ഉദ്ഘാടനം ചെയ്തു. യോഗത്തില്‍ സ്കൂള്‍ ഹെഡ്മിസ്ട്രസ് ശ്രീമതി. ലീല.ബി. സ്വാഗതം ആശംസിച്ചു.പിടി.എ.പ്രസിഡണ്ട് ശ്രീ. വേണുഗോപാലന്‍ നായര്‍ അധ്യക്ഷത വഹിച്ചു. സ്റ്റാഫ് സെക്രട്ടറി ശ്രീ.സോജിന്‍ ജോര്‍ജ്ജ് നന്ദി പറഞ്ഞു.